الغردقه

الغردقه مدينه فى مصر بتطل على البحر الاحمر و تابعه لمحافظة البحر الاحمر و بتعتبر اهم مركز سياحى مصرى على ساحل البحرالأحمر و من أهم المراكز السياحيه فى مصر و الشرق الأوسط. الغردقه هى تانى اكبر مدينه مصريه بتطل على البحر الاحمر بعد مدينة السويس. الغردقه كانت فى الاصل قريه صغيره بيرتاح فيها صيادين السمك من الجزيره العربيه و اتأسست كمدينه فى القرن العشرين و ابتدت تتوسع من سنة 1980 فى عهد الرئيس حسنى مبارك و اتبنى فيها مطار حديث و مرافق و بنيه تحتيه و قدرت تجذب مستثمرين اجانب و مصريين و اتبنت فيها اعداد كبيره من الاوتيلات و بقت المدينه مصيف للمصريين و منتجع سياحى للاجانب و بقت الحركه السياحيه للمدينه من أهم مصادر العملات الاجنبيه لمصر و سوق للعماله المصريه خاصة للمصريين من الصعيد.